Laudion, 20017ko martxoaren 9an. Datorren larunbatean, martxoak 11, goizeko 11:00etatik aurrera, Amurrioko Kultura Etxeak, Arabako nekazal emakumeen ezagutzen inguruko mintzaldia hartuko du.

Hitzorduak ikusgarritasuna eman eta, bide batez aintzatetsi nahi die herritarrei arabar nekazal sareko emakumeen ezagutza. Horrez gain, gizarteko gainontzeko herritarrei, emakumeen aurkako indarkeria, nekazal eremuan ere gertatzen den gizartearen gaitza dela jakinarazteko ere erabiliko da mintzaldia.

Horretarako, honako eduki hauez osatutako egitarau hau jorratuko da: Nekazal Eremuko Emakumeen Sarearen eta “Saberes de las Mujeres “ programaren aurkezpena eta hitzordua irudikatuko duen ikus- entzuneko baten proiekzioa.

Halaber, emakumeen jakituriaren inguruko espazio txiki bat irekiko da eta “81 amama” dokumentalaren proiekzioak, arratsaldeko 18:00etatik aurrera, mintzaldia ixteko ardura izango du.

Laudioko EAJ-PNV Uri Buru Batzarrak herritar guztiei gonbita luzatu nahi die, martxoaren 8aren, Emakumeen Nazioarteko Egunaren testuinguruan antolatutako hitzordu honekin bat egin dezaten.